बलिउड अभिनेता प्रभुदेवाको विवाहको विषयमा पछिल्लो समय भारतीय सन्चारमाध्यममा निकै समाचार आइरहेका छन् । तर, यी कुनै पनि समाचार सही नभएको बताइएको छ । सबैभन्दा पहिले त प्रभुदेवाले आफ्नै भान्जीसँग विवाह गर्न लागिरहेका छन् भन्ने समाचार आएको थियो । 

अब उनको फिजियोथेरापिस्टसँग विवाह हुन लागेको समाचार भारतीय मिडियामा आइरहेको छ ।

इटाइम्स मिडियामा आएको समाचारअनुसार मुम्बईको साकिनाकामा रहने डाक्टर हिमानीसँग विवाह गरिसकेका छन् । उनीहरुबीच निकै समयदेखि नजिक रहेको बताइउको छ । उनीहरुले मेमा विवाह गरिसकेको दाबी यसमा गरिएको छ । 

तर, अहिलेसम्म यसबारे प्रभुदेवाले केही बताएका छैनन् । उनका भाइ राजु सुन्दरमले चाहिँ प्रभुदेवाको विवाह भएकाले आफू निकै खुसी भएको बताएका छन् ।