विश्व नम्बर एक नोभाक जोकोविच र विश्वर नम्बर दुई  राफायल नाडाल एटिपी फाइनल्सको सेमिफाइनलबाटै बाहिरिएका छन् । 

रुसी खेलाडी डानियल मेडभेडेभले स्पेनिस नाडाललाई पराजित गर्दै फाइनलमा स्थान बनाएका छन् भने जोकोविचलाई डोमिनिक थिएमले पराजित गर्दै फाइनल यात्रा तय गरेका हुन् । ​

नाडालसँगको प्रतिस्पर्धाको सुरुमा पछि परे पनि डानियलले पुनरागमन गर्दै फाइनलमा स्थान बनाए । उनले नाडालमाथि ३–६, ७–६ (७–४) र ६–३ सेटको जित दर्ता गरे।

यो जितसँगै मेडभेडेभले फाइनलमा तेस्रो वरियताका डोमिनिकसँगको भेट पक्का गरेका हुन् । 

फाइनल पुगेका डोमिनिकले  विश्व नम्बर एक जोकोविचलाई ७–५, ६–७ (१०–१२) र ७–६ (७–५) को सेटमा पराजित गरेका छन्।

फाइनल प्रतिस्पर्धा आइतबार हुँदैछ ।