नेपालमा कोरोनाभाइरसबाट मृत्यु हुनेमा सोमबार ८ जना थपिएका छन् । यीमध्ये पाँच जना काठमाडौंका हुन् । त्यस्तै, उपत्यकामा थप एक जनाको निधन भएको छ । 

मृत्यु हुने अन्य दुई मोरङ र इलामका हुन् । 

आज मृत्यु हुनेमा इलामका २५ वर्षे युवा रहेका छन् । उनलाई ५ मंसिरमा कोरोनाभाइरस संक्रमण भएको पुष्टि भएको थियो ।

त्यस्तै, मोरङका ६७ वर्षका पुरुषको पनि आज निधन भएको छ । उनी १ मंसिरमा अस्पताल भर्ना भएका थिए ।

काठमाडौंमा मृत्यु हुनेमा ७८ र ५१ वर्षका पुरुष रहेका छन् । त्यस्तै, ३० वर्षकी महिलाको पनि सोमबार काठमाडौंमा कोरोनाका कारण निधन भयो ।

काठमाडौंमा अन्य दुई पुरुषको निधन भएको छ । मृत्यु हुनेमा ७८ र ७३ वर्षका पुरुष रहेका छन् । 

त्यस्तै आज भक्तपुरमा ४० वर्षका पुरुषको पनि निधन भएको छ । उनलाई निमोनियाको समस्या देखिएको थियो ।