रौतहटमा अत्यधिक चिसोको कारण एकजनाको मृत्यु भएको छ । कटहरिया नगरपालिका २ जमुनियाका ६५ वर्षीय सुखारी सिंहको मृत्यु भएको प्रहरीले जनाएको छ ।

रौतहटको चन्द्रपुर नगरपालिका ६ बजारको सडक पेटीमा बस्दै आएका उनको चिसोले कठ्यांग्रिएर मृत्यु भएको इलाका प्रहरी कार्यालय चन्द्रनिगाहपुरले जनाएको छ ।

उनी आँखा नदेख्ने श्रीमतीलाई डोर्याउँदै मागेर गुजारा चलाउँदै आएका थिए । उनको मृत्युपछि उनकी श्रीमती बेसहारा भएकी छिन् ।