फ्रान्सका राष्ट्रपति इमानुएल म्याक्रोनलाई कोरोनाभाइरसको संक्रमण देखिएको छ । बिहीबार गरिएको परीक्षणमा उनमा कोरोना पुष्टि भएको हो । 

४२ वर्षीय म्याक्रोन अबको सात दिन आइसोलेसनमा बस्ने राष्ट्रपति कार्यालयले जनाएको छ । म्याक्रोनले आइसोलेसनमै रहँदा पनि आफ्ना नियमित काम गर्ने जनाइएको छ ।

कोरोना संक्रमण रोक्न फ्रान्सले यस साता रातमा कर्फ्यु लगाएको थियो ।

फ्रान्समा हालसम्म २० लाख जनतामा कोरोना संक्रमण भएको र ५९ हजार ४ सय जनाको मृत्यु भएको जोन्स हप्किन्स विश्वविद्यालयले जनाएको छ ।