पछिल्लो समय कोरोनाभाइरस भ्याक्सिनबारे नयाँ नयाँ तथ्य बाहिर आएका छन् । अब यो भ्याक्सिनबारे आएको नयाँ तथ्य हो, यसमा सुँगुरको मासु पनि प्रयोग भएको छ । 

संयुक्त अरब इमिरेट्समा त यसबारे नयाँ अनुसन्धान गरिएको मात्र होइन, यसका कारण त्यहाँ बहस पनि भएको छ । 

सुँगुरको मासु प्रयोग गरिएको भए पनि युएईको सर्वोच्च इस्लामिक निकाय द युएई फतवा काउन्सिलले यो भ्याक्सिन मुसलमानले पनि प्रयोग गर्न पाउने बताएको छ ।

मुुसलमान समुदायमा पोर्क अथवा सुँगुर मासुबाट बनेका उत्पादनको प्रयोगलाई राम्रो मानिएको छैन । त्यही कारण पनि यसलाई युएईमा प्रयोग गर्न मिल्ने या नमिल्ने भन्नेबारे छलफल गरिएको थियो ।

यसलाई औषधीका रुपमा प्रयोग गर्न दिइने भएकाले यो स्वाभाविक मानिएको युएईले जनाएको छ ।