नेकपा पुष्पकमल दाहाल–माधवकुमार नेपाल समूहका नेता सुरेन्द्र पाण्डेले प्रधानमन्त्री केपी ओलीले अदालत पनि विघटन गरेर त्यसलाई राष्ट्रपतिले सदर गरे के हुन्छ ? भन्ने प्रश्न उठाएका छन् ।
शनिबार धादिङ–काठमाडौं सम्पर्क मञ्चको कार्यक्रममा बोल्दै उनले प्रधानमन्त्री ओली नयाँ राजा बन्न खोजेको आरोप लगाए ।
राजतन्त्रकालमा राजालाई न्यायाधीशलाई हटाउनसम्मको अधिकार भएको स्मरण गर्दै ओली सोही अभ्यासमा लागेको बताए । ओलीलाई चेतावनी दिँदै उनले भने, 'ओलीजी नयाँ राजा होइन । नयाँ राजा बन्ने कुचेष्टा नगर्नुहोला ।’
नेता पाण्डेले अदालतले कसैको अनुहार नहेरी संविधान र कानुनसम्मत निर्णय गर्ने भन्दै संसद पुनर्स्थापना हुनैपर्ने दाबी गरे ।
उनले नेकपा र सूर्य चिन्ह आफूहरुसँगै रहनेमा ढुक्क रहन आग्रह गर्दै पार्टीका बहुमत सदस्य आफूहरुसँग भएको दाबी गरे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
