पछिल्लो २४ घण्टामा ४२६ जनामा कोरोना भाइरस संक्रमण देखिएको छ । ५२ सय २५ जनाको पिसिआर परीक्षण गर्दा उक्त संख्यामा संक्रमित भेटिएको  स्वास्थ्य तथा जनसंख्या मन्त्रालयले जनाएको छ । 

मन्त्रालयका अनुसार थपिएका संक्रमितमध्ये १५३ महिला र २७३ पुरुष रहेका छन् ।

 हालसम्म नेपालमा दुई लाख ६१ हजार १९ जना कोरोना संक्रमित भएका छन् । हाल देशभर सक्रिय संक्रमितको संख्या ६ हजार ४८ रहेको छ । 

गत २४ घण्टामा ७४८ जना निको भएसँगै कोरोनामुक्त हुनेको संख्या दुई लाख ५३ हजार १०७ पुगेको छ । 

पछिल्लो २४ घण्टामा थप ८ जनाको मृत्यु भएसँगै हालसम्म मृत्यु हुनेको संख्या १८ सय ६४ पुगेको छ ।