पाकिस्तानको दक्षिण-पश्चिम बलुचिस्तानमा अज्ञात बन्दुकधारीले कोइला खानीमा काम गर्ने कम्तिमा ११ जना मजदुरको अपहरण गरी हत्या गरेका छन् । प्रहरीका अनुसार आइतबार बिहान काममा जाँदै गरेका श्रमिकहरुलाई केही बन्दुकधारीले अपहरण गरी पहाडी भूभागमा लगी हत्या गरेका हुन् ।

घटनापछि उक्त स्थानमा प्रहरी तैनाथ गरिएको छ । प्रहरीका अनुसार ११ जनामध्ये ६ जनाले घटनास्थलमै र ५ जनाको अस्पताल लैजाने क्रममा मृत्यु भएको हो । सनाखत भएका मृतक ९ जना अफगानिस्तानका सिया समुदायका रहेको बलुचिस्तानका गृहसचिवले बताए ।