नेपालका बैंक तथा वित्तीय संस्थाले मंसिरको अन्तिमसम्म ४१ खर्ब ९० अर्ब ७१ करोड बराबरको निक्षेप संकलन गरेका छन् । 

राष्ट्र बैकले सार्वजनिक गरेको तथ्यांकअनुसार चालु आवको मंसिर अन्तिमसम्म हालको निक्षेपमा ३ खर्ब ३४ अर्ब १४ करोड ९० लाख रहेको छ । 

यस्तै बैंकको बचत खातातर्फ १३ खर्ब ३८ अर्ब ७२ करोड ३० लाख निक्षेप जम्मा भएको छ  । जुन अघिल्लो महिनाको तुलनामा ०.६७ प्रतिशतले बढेको हो ।  गत कात्तिकको अन्तिमसम्म बचत खातामा १३ खर्ब २९ अर्ब ८७ करोड ५० लाख निक्षेप जम्मा भएको थियो ।

यसैगरी, मुद्दती निक्षेपअन्तर्गत २० खर्ब ४७ अर्ब ४९ करोड ५० लाख रुपैयाँबराबरको निक्षेप रहेको छ । 

गत महिना ३ खर्ब ७६ अर्ब १५ करोड ८० लाख रहेको रकम मंसिरको अन्तिमसम्म बढेर ३ खर्ब ९१ अर्ब ७४ करोड ९० लाख पुगेको छ ।