गोरखाको भीमसेन थापा गाउँपालिकामा आफैँले काटेको रुखले च्यापेर एकजनाको मृत्यु भएको छ ।
बुधबार साविकको तान्द्राङ गाविसमा बिहान रुख काट्ने क्रममा त्यही रुखले च्यापेर पाँचथर घर भएका १८ वर्षीय उमेश राईको घटनास्थलमै मृत्यु भएको प्रहरीले जनाएको छ ।
रुख काट्ने क्रममा उनका दाजु पनि सँगै रहेको र भाइलाई रुखले चेपेपछि दाजुले स्थानीयसँग हारगुहार गरेको प्रहरीले जानकारी गराएको छ ।
मृतकको शव आरुघाट प्राथमिक स्वास्थ्य केन्द्रमा पोस्टमार्टम गरेर प्रहरीले मृतकका आफन्तलाई बुझाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
