सुर्खेतको वीरेन्द्रनगरस्थित पर्यटकीय क्षेत्र बुलबुले तालमा फसेको जरायोको उद्धार गरिएको छ । घाइते भई अचेत अवस्थामा तालमा फसेको करिब तीन वर्षको जरायोलाई आइतबार डिभिजन वन कार्यालयको टोलीले उद्धार गरेको हो ।

घाइते जरायो संरक्षित क्षेत्र काक्रेविहार जंगलबाट बाहिर निस्केर अचेत अवस्थामा डौडिँदा बुलबुले तर्फ आई तारहरूमा ठोक्किएर घाइते भएको डिभिजन वन कार्यालयका सहायक वन अधिकृत टेक रावलको अनुमान छ । जरायोको टाउकोमा चोट लागेको छ । जरायोको अहिले उपचार भइरहेको छ उपचारपछि निको भएको खण्डमा सोही जंगलमा छाडिने उनको भनाइ छ । बुलबुले तालबाट कांक्रेविहार क्षेत्र नजिकको दूरीमा पर्छ ।