पछिल्लो २४ घण्टामा देशभर १४२ जनालाई कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमका अनुसार ३ हजार ५९७ जनाको पिसिआर परीक्षण भएकोमा १४२ जनालाई कोरोना पोजेटिभ देखिएको हो ।

आज थपिएकासँगै नेपालमा कोरोना संक्रमितको संख्या २ लाख ७१ हजार ४३१  पुगेको छ । संक्रमण पुष्टि भएकामध्ये २ लाख ६७ हजार ६५ जना निको भएका छन् । पछिल्लो २४ घण्टामा २०६ जना कोरोना संक्रमणबाट मुक्त भएका छन् ।

पछिल्लो २४ घण्टामा कोरोना संक्रमणबाट १ जनाको मृत्यु भएको छ। योसँगै कोरोना संक्रमणबाट मृत्यु हुनेको संख्या २ हजार ३१ पुगेको छ ।  

आज सक्रिय संक्रमितको संख्या २ हजार ३३५ रहेको छ ।