बैतडीकी किशोरी भागरथी भट्टको बलात्कारपछि हत्या भएको घटनाको विरोधमा नेपाल विद्यार्थी संघ, ग्रामीण आदर्श बहुमुखी क्याम्पस र एन आर बहुमुखी क्याम्पसका विद्यार्थीले विरोध प्रदर्शन गरेका छन् । 

सरकारले बलात्कारीलाई सजाय दिन आनाकानी गरेको भन्दै विद्यार्थीहरूले चर्को नारा लगाएका थिए । नेपालटार क्याम्पस गेटबाट नाराबाजी गर्दै नेवि संघका नेता कार्यकर्ता, विद्यार्थीहरु बाइपास हुँदै माछापोखरी चोक  पुगेर कोण सभा गरेका थिए । 

कोण सभामा सम्बोधन गर्ने विद्यार्थी नेताहरूले ’बलात्कारीलाई कानुनी कारबाही गर्न, भागरथी तथा निर्मलालाई न्याय र सम्झना कामी लगायतलाई न्यायको माग गरेका थिए । उनीहरुले करिब एक घन्टा चक्काजाम समेत गराए ।