उपप्रधानमन्त्री तथा सत्तारुढ नेकपाको ओली समूहका नेता ईश्वर पोखरेलले अरुका मृत्युमा आफ्नो जीवन देख्नेहरु कहिल्यै सप्रिएर अगाडि बढ्न नसक्ने बताएका छन् । सामाजिक सञ्जालमार्फत उनले यस्तो बताएका हुन् । 

उपप्रधानमन्त्री पोखरेलले कुण्ठा र इर्ष्याभावबाट निर्देशित हुनेहरू सप्रिएर अघि बढ्न नसक्ने बताएका हुन् । पोखरेलले त्यस्ता व्यक्तिहरुले ध्वंसात्मक दिशामा अगाडि बढेको समेत पत्तो नपाउने पनि उल्लेख गरेका छन् । 

प्रचण्ड-माधव समूहप्रति लक्षित गर्दै पोखरेलले अरुको विरुद्धमा हिँड्नेहरुले अन्तत्वगत्वा आफ्नै सर्वनाश भएको समेत पत्तो नपाउने बताएका छन् । उनले त्यस्ता व्यक्तिहरुलाई समयमै सोच्न सुझावसमेत दिएका छन् ।