पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष डा. बाबुराम भट्टराईले अहिलेको चुनावी सरकारले ठूला योजनाको ठेक्का र टुङ्गो लगाउन नमिल्ने बताएका छन् ।
अहिलेको सरकार आफैले आफूलाई चुनावी सरकार घोषणा गरिसकेको भन्दै डा. भट्टराईले प्रधानमन्त्री केपी शर्मा ओली नेतृत्वको सरकारले ठूला योजनाको ठेक्का र टुङ्गो लगाउन नमिल्ने बताएका हुन् ।
डा. भट्टराईले आफू ठूला पूर्वाधार योजना र विदेशी लगानीको विरोधी नभएको भन्दै भ्रममा नपर्न पनि सबैलाई आग्रह गरेका छन् । उनले सामाजिक सञ्जालमार्फत यस्तो प्रष्टिकरण दिएका हुन् ।
आफू राष्ट्रिय गौरवका योजनालाई प्राथमिकतामा राख्ने र भारत, चीन तथा अमेरिका र जापान सबैसँग बिप्पा सम्झौता गर्नुपर्छ भन्ने मान्छे भएको भन्दै डा. भट्टराईले अहिलेको अवस्थामा ओली सरकारले ठूला योजनाको ठेक्का र टुङ्गो लगाउन नमिल्ने बताए ।
कुनै भ्रम नरहोस्-म ठूला पूर्वाधार योजना र विदेशी लगानीको विरोधी हैन।बरू राष्ट्रिय गौरवका योजनालाई प्राथमिकतामा राख्ने र भारत/चीन/अमेरिका/जापान सबैसंग BIPPA सम्झैता गर्नुपर्छ भन्ने मान्छे हुॅ।तर अहिलेको आफैले घोषणा गरेको’चुनावी सरकार’ले यस्ता ठूला योजनाको टुंगो/ठेक्का गर्न मिल्दैन!
— Baburam Bhattarai (@brb1954) February 20, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।