फ्रान्सका पूर्वराष्ट्रपति निकोलस सार्कोजीलाई भ्रष्टाचार अभियोगमा तीन वर्ष जेल सजाय हुने भएको छ । अन्तर्राष्ट्रिय सञ्चारमाध्यमका अनुसार सार्कोजीसँगै उनका दुई सहयोगीलाई पनि सो सजाय तोकिएको हो ।
बिबिसीका अनुसार सार्कोजीसँगै उनका दुई सहयोगी पूर्ववकिल थियरी हर्जोग र एजिबर्टलाई पनि सोही सजाय सुनाइएको छ।
सार्कोजीले उनको पार्टीबारे भइरहेको एक फौजदारी छानविनसम्बन्धी सूचना दिन आग्रह गर्दै त्यहाँका एक म्याजिस्ट्रेट गिलबर्ट एजिबर्टलाई मोनाकोमा आकर्षक जागिर प्रस्ताव गरेको आरोप छ ।
६६ वर्षीय सार्कोजीले सो सजाय आफ्नै घरमा बिताउन पाउनेछन्। उनलाई इलेक्ट्रोनिक ट्याग लगाइदिएर घरमै जेल सजाय भुक्तान गर्न पाउने छुट दिइएको अदालतका न्यायाधीशले बताएका छन्।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।