दार्चुलामा शनिबार बेलुकी जिप दुर्घटना हुँदा तीनजनाको मृत्यु भएको छ। शैल्यशिखर नगरपालिका–८ अमतोलीबाट लेकम गाउँपालिका–४ रिठाचौपातातर्फ जाँदै गरेको ग३च १६९३ नम्बरको जिप दुर्घटना परी चालकसहित तीनजनाको मृत्यु भएको हो ।

मृत्यु हुनेमा जिप चालक ३८ वर्षीय करन नाथ, शैल्यशिखर नगरपालिका–८ की ७० वर्षीया सुनादेवी पन्त र ४० वर्षीय पदमराज पन्त छन्। 

घाइते हुनेमा शैल्यशिखर नगरपालिका–८ का ७२ वर्षीय बुद्धिबल्लभ पन्त, पदमराज पन्तका छोराहरु वर्ष १२ का मुकेश पन्त र ७ वर्षीय वसन्त पन्त र ७० वर्षीय  गंगादेवी पन्त छन्। 

जिप कच्ची सडकबाट अन्दाजी १०० मिटर तल खस्न गई दुर्घटना भएको हो । घाइतेहरूलाई उपचारका लागि गोकुलेश्वर अस्पताल पठाएको प्रहरीको भनाइ छ ।