दाङमा यात्रुबाहक बस दुर्घटना हुँदा दुई जनाको मृत्यु भएको छ । लमही घोराही सडक खण्डअन्तर्गत मुसोटमा भएको दुर्घटनामा दुई जनाको मृत्यु भएको हो । 

तुलसीपुरदेखि भालुवाङतर्फ जाँदै गरेको लु १ ख ९८६३ नं को मुसोट नजिकै शुक्रबार साँझ दुर्घटना हुँदा दुई जनाको मृत्यु भएको जिल्ला प्रहरी कार्यालय दाङले जनाएको छ । 

मृतकको सनाखत अझै हुन सकेको छैन । दुर्घटनामा परी दुई दर्जन बढी यात्रु घाइते भएका प्रहरीले जनाएको छ । तीमध्ये ६ जना गम्भीर घाइते रहेका छन् । 

घाइतेको लमही अस्पतालमा उपचार भइरहेको प्रहरीले जनाएको छ । दुर्घटनाको थप विवरण आउँन बाँकी रहेको छ ।