चितवनमा निर्माणाधीन एउटा पक्की पुल भत्किएको छ। चितवनको ठिमुरा-तनहुँको देवघाट जोड्ने मोटरेबल पुल बनिनसक्दै भत्किएको हो।

तनहुँको देवघाट र चितवनको ठिमुरा जोड्न त्रिशुली नदीमाथि बनिरहेको पुल गएराति भत्किएको हो। उक्त पुल ठेकेदारको लापरबाहीका कारण पुल भत्किएको उपभोक्ता समितिका अध्यक्ष टंक पौडेलले आरोप लगाएका छन्। 

उक्त पुलको भौतिक प्रगति ७५ प्रतिशत पुगिसकेको थियो। तर आज बिहान पुल भत्किएको अवस्थामा भेटिएको उनले बताए । यो पुल आगामी असारमा निर्माण सम्पन्‍न गर्ने तयारीसहित काम भइरहेको थियो।