टिपर दुर्घटनामा परी रसुवामा २ जनाको मृत्यु भएको छ । कालिका गाउँपालिका–१ ग्राङबाट कालिकास्थानतर्फ जाँदै गरेको बागमती प्रदेश ०१–००६ ख १६८८ नम्बरको टिपर पासाङल्हामु सडकको स्याउबारीमा दुर्घटना भएको जिल्ला प्रहरी कार्यालय रसुवाले जनाएको छ ।
प्रहरीका अनुसार दुर्घटनामा परी कालिका गाउँपालिका–१ का २७ वर्षीय राजेन्द्र तामाङ र सोही ठाउँका २९ वर्षीय सागर तामाङ को मृत्यु भएको छ। दुर्घटनामा परी गम्भीर घाइते भएका उनीहरुको जिल्ला अस्पताल धुञ्चेमा आज बिहान मृत्यु भएको हो ।
राजेन्द्र तामाङ स्थानीय आधारभूत विद्यालयका प्रधानाध्यापक रहेको प्रहरीको भनाइ छ ।
दुर्घटनामा परी कालिका गाउँपालिका–१ का वडाध्यक्ष मालफुर्वा तामाङ घाइते भएका छन् । उनको जिल्ला अस्पतालमा उपचार भइरहेको छ । टिपर एक्कासी अनियन्त्रित भएर दुर्घटना भएको र थप अनुसन्धान भइरहेको प्रहरीले जानकारी दिएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।