विराट गोल्डकपको फाइनल खेल आज हुँदैछ । मोरङको विराटनगरमा जारी विराट गोल्डकप फुटबलको उपाधि भिडन्त आज हुन लागेको हो । 

गोल्डकपको उपाधिका लागि विभागीय टोली एपिएफ क्लब र भारतको पञ्जाब पुलिस क्लब आमनेसामने हुँदै छन् । शहीद रंगशाला विराटनगरमा फाइनल खेल साँझ साढे ६ बजेपछि सुरु हुने छ ।

फाइनलसम्मको यात्रा तय गर्दा अन्तिम चारको खेलमा एपिएफले आयोजक विराटनगरलाई हराएको थियो । पञ्जाब पुलिसले आहा रारा गोल्डकप च्याम्पियन संकटा क्लबलाई हराउँदै एपिएफसँग उपाधि भिडन्त पक्का गरेको थियो ।

प्रतियोगितामा भारतका ३, एउटा अफ्रिकन टोली र ६ वटा नेपाली क्लबको सहभागिता रहेको थियो । उपाधि विजेताले १५ लाख १५ हजार तथा उपविजेता टोलीले ७ लाख ५१ हजार रुपैयाँ नगद प्राप्त गर्नेछ ।