घर नजिकको बारीमा स्याउला संकलन गर्न गएको बेला रूखको हाँगा भाँचिँदा दैलेखमा ६८ वर्षीया महिलाको मृत्यु भएको छ । जिल्लाको चामुण्डाबिन्द्रासैनी नगरपालिका–५ तलिगाउँ निवासी जौमती जैसीको बिहीबार साँझ मृत्यु भएको हो । 

‘स्याउलाको भारी बोक्नै लाग्दा अचानक शिरीषको हाँगो बजारिएछ’, चामुण्डा बिन्द्रासैनी नगरपालिका ५ का वडाअध्यक्ष नारायण रेग्मीले भने ,‘हाँगोले चोट लागेपछि उहाँको घटनास्थलमै मृत्यु भयो ।’ उनका अनुसार त्यो समय अत्यधिक हावाहुरी चलेको थियो । घटनाबारे थप अनुसन्धान भइरहेको नगर प्रहरी कार्यालय जम्बुकाँधले जानकारी दिएको छ ।