इटालियन फुटबलमा ११ वर्षपछि इन्टर मिलान च्याम्पियन बनेको छ । इन्टरले ११ वर्षपछि इटालियन सिरी ’ए’ फुटबलको उपाधि जितेको छ ।
आइतबार दोस्रो स्थानको एटलान्टा बराबरीमा रोकिएपछि इन्टरले उपाधि जितेको हो ।
यसअघि सिरी ’ए’ मा रहेको युभेन्टसकाे एकलौटी राज यसपटक इन्टरले तोड्न सफल भएको छ । इन्टरले पछिलो पटक सन् २०१० मा सिरी ’ए’ को उपाधि जितेको थियो ।
हिजो भएको खेलमा दोस्रो स्थानमा रहेको एटलान्टाले सासोउलोसँग १–१ गोलको बराबरी खेलेको हो । खेलमा दुवै टोली १० खेलाडीमा समेटिएका थिए ।
एटलान्टाका लागि खेलको ३२औँ मिनेटमा रोबिन गोसेन्सले गोल गरेका थिए । तर, सासोउलोका डोमिनिको बेरार्डीले ५२औँ मिनेटमा पेनाल्टीमार्फत बराबरी गोल फर्काए ।
एटलान्टाका गोल्लिनीले खेलको २२औँ मिनेटमै रातो कार्ड पाएका थिए । एटलान्टाले बराबरी खेलेसँगै इन्टरले १३ अंकको स्पस्ट अग्रता बनाउँदै उपाधि जितेको हो ।
🔥 2020/21 CHAMPIONS 🔥 @EASPORTSFIFA #IMScudetto #IMInter #ForzaInter pic.twitter.com/IhYpjjMhmu
— Inter (@Inter) May 2, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
