इन्डियन प्रिमियर लिग, आईपीएल क्रिकेटको शीर्ष स्थानमा दिल्ली क्यपिटल्स पुगेको छ । गएराति भएको खेलमा पन्जाब किंग्सलाई पराजित गर्दै दिल्ली शीर्ष स्थानमा पुगेको हो । 

दिल्लीले पन्जाबलाई ७ विकेटले पराजित गर्दै अंक तालिकाको शीर्ष स्थानमा उक्लिएको हो । अहमदाबादमा आइतबार राति पन्जाबले दिएको १ सय ६७ रनको लक्ष्य दिल्लीले १७ ओभर ४ बलमा मात्र ३ विकेट गुमाएर पूरा गर्यो ।

दिल्लीको जितमा शिखर धवनले अविजित रहदै ६९ रनको अर्धशतकीय इनिङ्ग खेले । यस्तै पृथ्वी शले ३९ रन जोड्दा स्टिभ स्मिथले २५ रन बनाए । शिम्रोन हिटमायर १६ रनमा अविजित रहदा कप्तान ऋषभ पन्तले १४ रन जोडे ।

पन्जाबका लागि क्रिस जोर्डन, रिली मिरिदिथ र हरप्रित ब्रारले १/१ विकेट लिए ।

त्यसअघि टस हारेर पहिले ब्याटिङ गरेको पन्जाबले २० ओभरमा ६ विकेट गुमाएर १ सय ६६ रन बनाएको थियो । पन्जाबका लागि कप्तान मायांक अग्रवालले अविजित रहदै ९९ रनको अर्धशतकीय इनिङ्ग खेले ।

पन्जाबका डाविड मालनले २६ रन जोड्दा क्रिस गेलले १३ र प्रभसिम्रन सिंहले १२ रन बनाए । दिल्लीका लागि कागिसो राबडाले ३ विकेट लिए ।

पन्जाबमाथिको जितसँगै दिल्ली ८ खेलमा १२ अंक जोड्दै अंक तालिकाको शीर्ष स्थानमा उक्लिएको छ । पन्जाब ८ खेलमा ६ अंक जोडेर छैटौँ स्थानमा रहेको छ ।

The gloves were off tonight as we conquered the #NorthernDerby in #IPL2021 💙#YehHaiNayiDilli #PBKSvDC pic.twitter.com/2idtciUADq

— Delhi Capitals (Stay Home. Wear Double Masks😷) (@DelhiCapitals) May 2, 2021