नेपाल सुपर लिगअन्तर्गत सोमबारको खेलमा विराटनगर सिटी एफसी विजयी भएको छ ।
उसले त्रिपुरेश्वरस्थित दशरथ रंगशालामा एफसी चितवनमाथि २–० को जित हात पारेको हो ।
खेलको ७३औँ मिनेटमा पेड्रो मान्जी क्रुजले गोल गर्दै विराटनगरलाई अग्रता दिलाए ।
उनले सुनिलको फ्रिकिक बललाई नियन्त्रणमा लिँदै उत्कृष्ट गोल गरेका थिए ।
८९औँ मिनेटमा सन्तोष तामाङले डिबक्स बाहिरबाट गरेको प्रहार गोलमा परिणत हुँदा विराटनगरले सहज जित हात पार्यो ।
जितसँगै विराटनगर ४ खेलबाट ७ अंक जोड्दै शीर्ष स्थानमा उक्लिँदा चितवन समान खेलबाट २ अंक जोड्दै अन्तिम स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।