लुम्बिनी प्रदेशका एमाले सांसद माओवादी केन्द्रमा प्रवेश गर्दै
फरकधार / २१ बैशाख, २०७८

लुम्बिनी प्रदेशका नेकपा एमालेका एक सांसद नेकपा माओवादी केन्द्रमा प्रवेश गर्ने भएका छन्। 

यसअघि मुख्यमन्त्री शंकर पोखरेलको पक्षमा देखिएका अमरबहादुर डाँगी माओवादी प्रवेश गर्न लागेका हुन् । डाँगी दाङ क्षेत्र नम्बर २ (ख) बाट निर्वाचित सदस्य हुन्।

डाँगीले सांसद पदबाट राजीनामा दिने तयारी गरेका छन् । माओवादीमा प्रवेश गर्दा मुख्यमन्त्री पोखरेलले सांसद पदबाट कारबाही गर्ने भएकाले उनले त्यसअघि नै राजीनामा गर्ने भएका हुन् । 

यसअघि एमालेबाट निर्वाचित प्रदेशसभा सदस्य दृगनारायण पाण्डेले राजीनामा दिएका थिए। राजीनामा दिएसँगै उनी नेपाली कांग्रेस प्रवेश गरेका थिए।

डाँगीले राजीनामा दिए मुख्यमन्त्रीको पक्षमा ३८ जना सांसद मात्रै हुने भएका छन्।  

  • प्रकाशित मिति : बैशाख २१, २०७८ मंगलबार १६:५७:३०,   अन्तिम अपडेट : बैशाख २१, २०७८ मंगलबार १६:५८:२९

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया