कोरोना भाइरस संक्रमणबाट नेपालमा एकै दिन ५५ जनाले ज्यान गुमाएका छन्। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ज्यान गुमाएकाहरुको यो संख्या अहिलेसम्मकै सबैभन्दा उच्च हो।

मन्त्रालयका अनुसार पछिल्लो २४ घण्टामा थप ७ हजार ६ सय ६० जनामा कोरोना भाइरस संक्रमण पुष्टि भएको छ । मन्त्रालयका अनुसार १६ हजार १३१ पीसीआर परीक्षणमा ७५८७ र ५७१ एन्टिजेन परीक्षणमा ७३ जनामा संक्रमण पुष्टि भएको हो। साढे ७ हजार भन्दा धेरै संक्रमित थपिँदा १७ सय ७५ जना निको भएका छन्।