चर्चित गायिका तथा नेकपा एमालेको तर्फबाट राष्ट्रिसभा सदस्य रहेकी कोमल वलीले राजनीतिमा पर्खन सक्नुपर्ने बताएकी छन् । वलीले सामाजिक सञ्जालमार्फत यस्तो बताएकी हुन् । 

अहिले एमालेमा पद तथा जिम्मेवारीको विवाद चर्किएर फुटको दिशातर्फ उन्मुख भइरहेको अवस्थामा वलीले राजनीतिमा पर्खिन सक्नुपर्ने बताएकी हुन् । आफ्नो विचार र दृष्टिकोण सही छ भने पद खोजी खोजी आउने उनको भनाइ छ । 

उनले लेखेकी छन्, 'राजनीतिमा पर्खिन पनि सक्नुपर्छ । यदि विचार, दृष्टिकोण र अडानमा स्पष्ट भयो भने खोजि खोजि पद आउँछ । यो राजनीतिको चरित्र हो ।' 

वलीले एमालेका अहिले देखिएको द्वन्द्वमा पनि पर्खाईले काम गर्ने बताइन् । एमाले सबैको पार्टी भएको भन्दै उनले विधि र विधान सबैजनाले पालना गर्नुपर्ने बताइन् । 

उनले लेखेकी छन्, 'एमाले भित्र देखिएको द्वन्द्वमा साथीहरूले पर्खिन पनि सक्नुपर्छ । यो पार्टी हामी सबैको हो । विधि र विधान हामी सबैले पालना गर्नुपर्छ ।'

राजनीतिमा पर्खिन पनि सक्नुपर्छ । यदि बिचार दृष्टिकोण र अडानमा स्पष्ट भयो भने खोजि खोजि पद आउँछ । यो राजनीतिको चरित्र हो । तसर्थ एमाले भित्र देखिएको द्वन्दमा साथीहरूले पर्खिन पनि सक्नुपर्छ । यो पार्टी हामी सबैको हो । बिधि र बिधान हामी सबैले पालना गर्नुपर्छ ।

— Komal Oli (@OliKomal) May 5, 2021