इङ्ग्लिस क्लब चेल्सीले च्याम्पियन्स लिगको उपाधि भिडन्त पक्का गरेको छ । गएराति भएको सेमिफाइनलको दोस्रो लेगको खेलमा स्पेनिस क्लब रियल मड्रिडलाई पराजित गर्दै चेल्सी फाइनलमा पुगेको हो ।
यससँगै यसपटकको च्याम्पियन्स लिगको उपाधि भिडन्त इङ्ग्लिस क्लबहरु बीच हुने भएको छ । पहिलो सेमिफाइनलबाट उपाधि भिडन्त पक्का गरेको म्यानचेस्टर सिटी र चेल्सी च्याम्पियन्स लिगको उपाधिका लागि लड्ने भएका छन् ।
चेल्सीले सेमिफाइनलको दोस्रो लेगको खेलमा स्पेनिस क्लब रियल मड्रिडलाई २–० ले पराजित गर्दै फाइनलमा स्थान बनाएको हो । प्रिमियर लिग क्लब चेल्सीले समग्रमा ३–१ को नतिजा सहित फाइनल उपाधि भिडन्त पक्का गर्यो ।
दोस्रो लेगको खेलमा चेल्सीलाई जित दिलाउन टिमो वार्नर र मिसन माउण्टले एक एक गोल गरे । वार्नरले खेलको २८औँ मिनेटमा र माउन्टले खेल सकिन ५ मिनेट अघि गोल गरे ।
अब चेल्सीले टर्कीको इस्तानबुलमा तेस्रो पटक च्याम्पियन्स लिगको फाइनल खेल्नेछ । उसले सन् २००८ मा म्यानचेस्टर युनाइटेडसँग पेनाल्टी सुटआउटमा उपाधि भिडन्त गुमाएको थियो । त्यस्तै, सन् २०१२ मा बायर्न म्युनिखलाई हराएर उपाधि जितेको थियो ।
च्याम्पियन्स लिगको फाइनल पुगेको चेल्सीले मे १५ मा लेस्टर सिटीसँग एफ ए कपको फाइनल समेत खेल्दैछ । यता, च्याम्पियन्स लिगको फाइनल पुग्ने क्रममा सिटीले मंगलबार राति पेरिस सेन्ट जर्मेन (पिएसजी)लाई पराजित गरेको थियो ।
Feels so good, doesn't it. 🥰 pic.twitter.com/MTD2k1Wo3A
— Chelsea FC (@ChelseaFC) May 5, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
