वरिष्ठ गायक प्रेमध्वज प्रधानलाई अस्पताल भर्ना गरिएको छ । छातीमा सामान्य इन्फेक्सन देखिएपछि उनलाई शुक्रबार अस्पताल भर्ना गरिएको हो । प्रधानको सुन्धारास्थित न्यूरो अस्पतालमा उपचार भइरहेको छ । 
 
प्रधानमा सामान्य ज्वरो र छातीमा इन्फेक्सन देखिएपछि कोरोनाको शंका गरिएको थियो । तर, पिसिआर रिपोर्ट भने नेगेटिभ आएको छ । अहिले प्रधानको अवस्था सामान्य रहेको सञ्चारकर्मी प्रकाश सायमीले बताए । 

८२ वर्षीय प्रधानको सन् २०१५ मा ‘हेमाटोमा’को शल्यक्रिया गरिएको थियो ।