कोरोना महामारीको दोस्रो लहरले अहिले देशभर जटिल अवस्था सिर्जना गरेको छ । दैनिक करिब १० हजार संक्रमित थपिइरहेका छन् । 

देशभरका अधिकांश जिल्लाहरुमा निषेधाज्ञा लागु भएका छन् । कोरोना संक्रमणको गति र मृत्युदर दिनानुदिन बढिरहेको छ । 

पछिल्लो साता लगातार दैनिक ५० जनाको हाराहारीमा कोरोना संक्रमितको मृत्यु भइरहेको छ । यस्तो अवस्थामा पशुपति आर्यघाटमा रहेको विद्युतीय शवदाह गृहमा चाप बढेसँगै अस्थायी घाट बनाइएको छ । 

नेपाली सेनाले कोरोना पुष्टि भएका मृतकको शव अस्थायी घाटमा अन्त्येष्टी गरिरहेको छ । स्वास्थ्य सुरक्षा मापदण्ड पालना गर्दै सेनाले शव जलाउने गरिरहेको छ ।