रुपन्देहीको बुटवलस्थित कोरोना अस्पतालमा थप २ संक्रमितको मृत्यु भएको छ । अस्पतालमा शनिबार बिहान थप दुई जना संक्रमितको निधन भएको हो । 

मृत्यु हुनेमा बुटवल उपमहानगरपालिका १ का ४८ वर्षीय पुरुष र ११ का ३० वर्षीया महिला रहेका अस्पतालले जनाएको छ । 

दुवै जना कोरोना संक्रमित भएपछि गत वैशाख २२ गते अस्पताल भर्ना भएका थिए । उनीहरुलाई आइसियूमा राखेर उपचार भइरहेको थियो । दुवै जनामा निमोनिया र श्वासप्रश्वासमा समस्या रहेको थियो ।