नेपालको उत्तरी छिमेकी देश चीनले सगरमाथाको चुचुरोमा नेपाल र तिब्बतबीच सीमा विभाजनको रेखा कोर्ने भएको छ । चीनले कोरोनाभाइरस संक्रमणमा रोक लगाउन भन्दै यस्तो निर्णय गरेको हो ।

गत अप्रिलदेखि नै नेपालको सगरमाथा आधार शिविरमा कोरोनाभाइरस संक्रमण व्यापक फैलिएपछि सरकारले उक्त निर्णय गरेको चिनियाँ सञ्चारमाध्यमले जनाएका छन् । 

नेपालको मोहडा हुँदै सगरमाथा आरोहण गर्ने आरोहीमार्फत हुनसक्ने संक्रमणलाई रोक्न चीनले यस्तो सतर्कता अपनाएको बताइएको छ । 

नेपालले पर्यटन शुल्क उठाउन भन्दै सगरमाथा आरोहण अभियान स्थगित गरेको छैन । यसको व्यापक आलोचना भइरहेको छ । चीनले भने गत वर्षदेखि नै आफ्नो भू–भाग हुँदै सगरमाथा चढ्न विदेशीलाई खुला गरेको छैन ।