सुर्खेतमा जारी निषेधाज्ञा जेठ १५ गतेसम्म थप गरिएको छ । जिल्ला प्रशासन कार्यालय सुर्खेतले जेठ १५ गते राति १२ बजेसम्म निषेधाज्ञा थप्ने निर्णय गरेको हो । यसअघि वैशाख १४ गते राति १२ बजेबाट जारी गरिएको निषेधाज्ञा वैशाख ३१ गते राति १२ बजेबाट सकिँदैछ । जिल्ला कोभिड-१९ संकट व्यवस्थापन केन्द्र (डिसिसिएमसी) को सिफारिसमा प्रमुख जिल्ला अधिकार छविलाल रिजालको टोलीले जिल्लाभर निषेधाज्ञा जारी गरेको हो । 

यदि कसैले निषेधाज्ञा उल्लंघन गरेमा संक्रामक रोग ऐन, २०२० को दफा ३ बमोजिम एक महिना कैद वा एक सय जरिवाना वा दुवै सजाए हुने प्रशासनले जारी गरेको छ । निषेधाज्ञा अवधिभर सार्वजनिक यातायात, निजी सवारी साधन, तालिम गोष्ठी, सेमिनार, समुदायसँग प्रत्यक्ष सम्पर्क गरी सञ्चालन गरिने विभिन्न कार्यक्रम बन्द गर्न प्रशासनले आग्रह गरेको छ ।