लुम्बिनी प्रदेशका मुख्यमन्त्री तथा सत्तारुढ नेकपा एमालेका नेता शंकर पोखरेलले सरकारले ल्याएको नागरिकता सम्बन्धी अध्यादेश संविधानमा भएको प्रावधानअनुसार नै भएको दाबी गरेका छन् । 

मुख्यमन्त्री पोखरेलले सामाजिक सञ्जालमार्फत नागरिकताका सम्बन्धमा संविधानमा व्यवस्था भएअनुसार नै अहिले अध्यादेश ल्याइएको भन्दै यसको विरोधको नगर्न आग्रह गरेका छन् । 

नागरिकता अध्यादेशको विराेध गर्ने भए संवैधानिक प्रावधानको पनि विरोध गर्न उनले आग्रह गरेका छन् । संविधानमा जे ब्यवस्था गरिएको छ, त्यो नै अध्यादेशमा समावेस भएको उनको तर्क छ । 

मुख्यमन्त्री पोखरेलले संविधान कार्यान्वयन गर्नु सबैको कर्तव्य भएको बताएका छन् । संविधानमा भएको व्यवस्थाका लागि अध्यादेश ल्याइएको भन्दै उनले विरोधका लागि विरोध नगर्न भनेका छन् ।