पूर्वप्रधानमन्त्री तथा जनता समाजवादी पार्टीका संघीय परिषद अध्यक्ष डा. बाबुराम भट्टराईले गोरु दुहेर केही नहुने भन्दै नेकपा एमालेमा भइरहेको एकता प्रयासलाई व्यङ्ग्य गरेका छन् ।
डा. भट्टराईले अहिले सत्तारुढ एमालेमा युवा नेताहरुमा रहेको एकता चाहनामाथि व्यङ्ग्य गर्दै गोरु दुहेर केही नहुने बताएका हुन् । उनले एमाले अध्यक्ष तथा प्रधानमन्त्री केपी शर्मा ओलीबाट इतर पक्षले केही नपाउने भन्दै व्यङ्ग्य गरे ।
प्रधानमन्त्री ओली अहिले गलत बाटो हिँडिरहेको भन्दै डा. भट्टराईले उनीबाट आशा गर्नु बेकार भएको टिप्पणी गरेका हुन् । उनले बेठीकका विरूद्ध विद्रोह गर्नु मानव अस्तित्वको सार भएको बताए ।
तर, ओलीविरुद्ध विद्रोह गर्नुपर्ने अवस्थामा एमालेमा अहिले एकताको प्रयास भइरहेकोमा उनले प्रश्न उठाएका छन् । उनको प्रश्न छ, 'अहिले प्रतिगमनको मूली बनेका ओलीविरुद्ध विद्रोह गर्न हाम्रा युवा नेताहरू किन आनाकानी गरिरहेछन् ?'
Albert Camusले भनेका थिए-I rebel, therefore I exist.त्यस्तै माओले भनेका थिए-It is right to rebel.अर्थात् वेठीकका विरूद्ध विद्रोह गर्नु मानव अस्तित्वको सार हो।तर अहिले प्रतिगमनको मुली बनेका ओलीविरूद्ध विद्रोह गर्न हाम्रा युवा नेताहरू किन आनाकानी गरिरहेछन? गोरू दुहेर केही हुन्न है!
— Baburam Bhattarai (@brb1954) June 3, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।