चीनमा ३ वर्षमाथिका बालबालिकालाई कोभिडविरुद्धको भ्याक्सिनलाई अनुमति दिएको छ। 

त्यहाँको स्वास्थ्य विभागले सिनोभ्याक्य बायोटेकले निर्माण गरेको भ्याक्सिनलाई आपत्कालीन अनुमति प्रदान गरेको हो ।

यसअघि १८ वर्षभन्दा माथिकालाई मात्र भ्याक्सिन लगाउन अनुमति प्राप्त थियो । बैंकक पोस्टका अनुसार सिंगापुर हङकङ र अमेरिकामा १२ वर्ष माथिकालाई भ्याक्सिन लगाउन थालिसकिएको छ।

३ वर्षदेखि माथिका लागि अनुमति पाएको यो भ्याक्सिनको असरबारे अनुसन्धान के कति भए भन्नेबारे भने त्यति स्पष्ट छैन।

सिनोभ्याकका सिइयो यिन वाइदोङले ३ वर्षदेखि १७ वर्षसम्मका बालबालिकामा गरेको दुई चरणको परीक्षणमा यो खोप १८ वर्षमाथिकालाई जत्तिकै प्रभावकारी देखिएको दाबी गरेका छन्। 

यो खोप कहिलेबाट लगाउने भन्नेबारेमा भने कुनै स्पष्ट भइसकेको छैन।