पछिल्लो २४ घण्टामा सुर्खेतमा थप दुईजना कोरोना संक्रमित मृत्यु भएको छ । प्रदेशका विभिन्न अस्पताल तथा आइसोलेसनमा उपचारमा रहेकामध्ये दुईजनाको मृत्यु भएको हो । योसँगै कर्णाली प्रदेशमा हालसम्म कुल संक्रमितमध्ये मृत्यु हुनेको संख्या दुई सय ९६ पुगेको छ । 

यस्तै, पछिल्लो २४ घण्टामा कर्णालीमा आरटी पिसिआर विधिबाट गरिएको परीक्षणमा ५० जना र एन्टिजेन विधिबाट गरिएको परीक्षणमा ३९ जनामा संक्रमण पुष्टि भएको छ । योसँगै कर्णाली प्रदेशमा हालसम्म कुल संक्रमितको संख्या २७  हजार ३४ पुगेको छ । 

कुल संक्रमितमध्ये हालसम्म २३ हजार एक सय २१ जना संक्रमित उपचारपछि निको भएका छन् भने हाल प्रदेशका विभिन्न अस्पताल तथा आइसोलेसनमा दुई हजार पाँच सय चारजना सक्रिय संक्रमित रहेको स्वास्थ्य सेवा निर्देशनालय कर्णाली प्रदेशले जानकारी दिएको छ ।