जोन्स होप्किङ युनिभर्सिटीका अनुसार कोरोना भाइरसबाट विश्वभर ३८ लाख ४० हजार ७०४ जनाको मृत्यु भएको छ । 

यसै गरी विश्वभर कोरोना संक्रमित हुनेको संख्या १७ करोड, ७३ लाख ६९ हजार ६५९ रहेका छन् । 

संक्रमित र मृत्यु दुबैका हिसाबले अमेरिका पहिलो स्थानमा रहेको छ । अमेरिकामा हालसम्म ६ लाख ९३४ जनाले ज्यान गुमाइसकेका छन् भने ३ करोड ३५ लाख ८ हजार ८२५ जनामा संक्रमण पुष्टि भएको छ ।

अमेरिकापछि ब्राजिलमा ज्यान गुमाउनेको संख्या धेरै रहेको छ । ब्राजिलमा हालसम्म ४ लाख ९६ हजार ४ जनाले ज्यान गुमाएका छन् । संक्रमितका हिसाबले भने ब्राजिल तेस्रो स्थानमा रहेको छ । ब्राजिलमा हालसम्म १ करोड ७७ लाख २ हजार ६३० जनामा संक्रमण पुष्टि भइसकेको छ ।

भारतमा हालसम्म ३ लाख ८१ हजार ९०३ जना संक्रमितको मृत्यु भएको छ भने २ करोड ९७ लाख ३१३ जनामा संक्रमण पुष्टि भएको छ । पछिल्ला केही दिनयता भने भारतमा संक्रमणदर र मृत्युदर घट्दै गइरहेको छ ।

यसैगरी मेक्सिकोमा २ लाख ३० हजार ७९२, पेरुमा १ लाख ८९ हजार ७५७, बेलायतमा १ लाख २८ हजार २०९, इटालीमा १ लाख २७ हजार १९० र रुसमा १ लाख २५ हजार ८५३ जनाको ज्यान गएको छ ।