ब्राजिलमा पछिल्लो २४ घन्टामा थप २ हजार २४७ कोरोना संक्रमितको ज्यान गएको छ । यससँगै ब्राजिलमा कोरोना संक्रमणबाट मृत्यु हुनेको संख्या ५ लाख ८०० पुगेको छ।

बितेका केही सातादेखि ब्राजिलमा दैनिक औसतमा  दुई हजार कोरोना संक्रमितले ज्यान गुमाइरहेका छन् । 

हालसम्म ब्राजिलमा कोरोना भाइरसबाट १ करोड ७८ लाख ७३ हजार ७५० जनामा संक्रमण पुष्टि भइसकेको छ । 

ब्राजिलको सरकारले कोरोना रोकथाम तथा नियन्त्रणमा लापरबाही गरेको भन्दै आलोचना खेपिरहेको छ । ब्राजिलमा कुल जनसंख्याको ११ प्रतिशतले मात्र कोरोना विरुद्धको खोप लगाएका छन् ।