पछिल्लो समय राम्रै माग भएकी गायिका हुन् – एलिना चौहान । ‘इन्स्ट्राको फोटो’ गाएर चर्चामा आएकी यी गायिकाका लागि अघिल्लो वर्षबाट सुरु भएको लकडाउन शुभ सावित भयो । यही बेला गाएको ‘के माया लाग्छ र ?’बोलको गीतले उनको जीवनले नयाँ बाटो पहिल्यायो ।
त्यसपछि उनी पछिल्लो समयकी सबैभन्दा व्यस्त गायिका बन्न पुगिन् । उनलाई थुप्रै अवसरहरुले पछ्याइरहे । उनी हिट गायिकाको लिस्टमा दर्ज भइन् । उनै गायिका एलिनाले आइतबार आफ्नो २२औँ जन्मदिन मनाएकी छिन् । उनले आफ्नो जन्मदिन कपनस्थित ‘अन्र्तदृष्टि नेपाल बालआश्रम’मा मनाएकी छिन् ।
उनले आश्रममा रहेका बालबालिकालाई लत्ताकपडा वितरण गरेकी छिन् । बालबालिकासँग केक काटिन्, मिठाइ बाँडिन र खुसी साटिन् । बालबालिकासँग खुसी साट्दै एलिनाले अहिलेको सफलता आफूले नसोचेको सफलता पाएको बताइन् । यो सफलताले आगामी दिनमा आफूलाई अझैं राम्रो गर्न हौसला मिलेको सुनाइन्।
सामाजिक कार्यमा पनि निक्कै रुची राख्ने एलिनाले केही सामाजिक काम गर्ने रहर रहेको धारणा राखिन् । उनले आफूले कमाएको पारिश्रमिकको केही रकम समाज सेवामा खर्च गर्ने रहर रहेको सुनाइन्।
उनले प्रत्येक पटक पाएको पारिश्रमिको केही रकम छुट्ट्याएर राखी ६ महिना १ वर्षमा सामाजिक काममा खर्चिने सोच बताइन। स्रोता दर्शकको मायाले नै आफूले यो स्थान बनाएको भन्दै उनीहरुको दुःखमा सकेको सहयोग गर्नु आफ्नो कर्तव्य उनको भनाइ छ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।