नेपाली कांग्रेसका वरिष्ठ नेता रामचन्द्र पौडेल, कृष्णप्रसाद सिटौला र सुजाता कोइरालाबीच छलफल भएको छ । पार्टी महाधिवेशनमा केन्द्रित रहेर नेताहरुबीच छलफल भएको हो । 

सुजाता निवास मण्डिखाटारमा नेताहरुबीच छलफल भएको हो । वरिष्ठ नेता पौडेलका सहयोगी चिरञ्जीवी पौडेलका अनुसार नेतृ कोइरालाको निमन्त्रणामा सोमबार बिहान उनकै निवासमा लन्च मिटिङ भएको हो । 

नेपाली कांग्रेसको १४औँ महाधिवेशनको सरगर्मी यतिबेला कांग्रेस वृत्तमा व्याप्त छ । नेताहरुले महाधिवेशनका लागि आफ्नो तयारी सुरु गरेका छन् । यसै सन्दर्भमा सुजाता निवासमा नेताहरुबीच छलफल भएको हो । 

आजको छलफलमा नेताहरुबीच मुख्यगरी कांग्रेसको महाधिवेशनसँग सम्बन्धित रहेर छलफल भएको पौडेलले बताए । आजको छलफलमा महाधिवेशनमा उम्मेदवारीदेखि अहिले देखिएको क्रियाशील सदस्यता विवादबारेमा छलफल भएको उनले बताए ।