संसद विघटन विरुद्धको रिटमा आज फैसला : ३४ घण्टामा ८१ जनाले बहस गरेका थिए
फरकधार / २८ असार, २०७८

प्रतिनिधिसभा विघटन बदरको माग गर्दै दायर भएको रिटमा सर्वोच्च अदालतले आज फैसला सुनाउँदै छ । दिउँसोतिर २–३ बजेतिर मात्रै फैसला सुनाउने तयारी भइरहेको सर्वोच्च अदालत स्रोतले जानकारी दिएको छ । 



कांग्रेस सभापनि शेरबहादुर देउवासहित १४६ जना सांसदले जेठ १० गते दर्ता गरेको रिटमा असार ९ गतेबाट नियमित बहस भएको थियो । 

संवैधानिक इजलासले रिट निवेदकलाई १५ घण्टा र विपक्षीलाई १५ घण्टाको समय दिइएको थियो । त्यसपछि सभामुखको तर्फबाट बहसका लागि २ घण्टा र एमिकस क्युरीको रुपमा बहसमा आएका ४ जनाले २ घण्टा बहस गरेका थिए । 

यो गरी यस रिटमा जम्मा ३४ घण्टा बहस भएको छ । रिट निवेदक पक्षको बहस ४ दिनसम्म चल्यो । निवेदक पक्षका कानुन व्यवसायीले पाएको १२ घण्टाको समयमा असार ९, १०, ११ र १३ गतेसम्म बहस गरे। 



जसमा असार ९ गते ५ जना, १० गते ९ जना, ११ गते ६ जना र १३ गते १६ जना गरी ३६ जनाले बहस गरेका थिए।  

विपक्षीको तर्फबाट अर्थात प्रधानमन्त्री र राष्ट्रपतिको तर्फबाट असार १४, १५, १६, १७ र १८ गते प्रतिरक्षा बहस भएको थियो । 

सरकारको तर्फबाट प्रतिरक्षा बहसमा जसमा ११ सरकारी वकिल र २१ निजी वकिल गरी जम्मा ३२ जनाले बहस गरे । 

२० गते सुरुमा सभामुखका तर्फबाट बहस भयो । सभामुखका तर्फबाट बहसका लागि पाएको २ घण्टाको समयमा ५ जना वकिलले बहस गरे । २० गते रिट निवेदक पक्षले जवाफी बहस  सुरु गरे । रिट निवेदकका तर्फबाट  वरिष्ठ अधिवक्ता रमण श्रेष्ठले २० गते र बरिष्ठ अधिवक्ताहरू हरिहर दाहाल, बद्री बहादुर कार्की र शम्भु थापाले २१ गते बहस गरे । 

२१ गते नै एमिकस क्युरीका रुपमा झिकाइएका ४ जना बरिष्ठ अधिवक्ताहरूले बहस गरेपछि । उक्त रिटमाथिको सुनुवाइ सकिएको थियो। 

यसरी हेर्दा यो रिटमा रिट निवेदक पक्षको जवाफी बहसमा दोहरिएकालाई समेत पुनः गन्ने हो भने ८१ जनाले बहस गरे । 

जसमा रिट निवेदकको पक्षबाट ३६, विपक्षबाट ३२, सभामुखको तर्फबाट ५ जनाले बहस गरेका थिए । जवाफी बहसमा ४ जना र ४ जना एमिकस क्युरीले यस मुद्दामा बहस गरे। 

  • प्रकाशित मिति : असार २८, २०७८ साेमबार १२:५२:१५,   अन्तिम अपडेट : असार २८, २०७८ साेमबार १२:५२:४५

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया