भारतका वरिष्ठ फोटो पत्रकार दानिश सिद्दीकीको अफगानिस्तानी सैनिक र तालिवान लडाकुबीचको लडाइँमा परी मृत्यु भएको छ ।
दानिश समाचार एजेन्सी राेयटर्सका फोटो पत्रकार थिए । राेयटर्सले नै उनको मृत्यको पुष्टि गरेको हो । उनीसँगै अफगानिस्तानका एक वरिष्ठ अधिकारीको पनि मृत्यु भएको छ ।
राेयटर्सका अनुसार दानिश केही दिन अघिदेखि अफगानिस्तानमा विशेष सुरक्षाका साथ कन्धार प्रान्तमा बसेका थिए । त्यहींबाटै उनले अफगानी सैनिक र तालिवानबीचको संघर्षको बारेमा खबर पठाइरहन्थे ।
रोयटर्सले भन्दा पहिला अफगानिस्तानका राजदूत फरिद मामुन्दजईले दानिश मारिएको खबर ट्विरमार्फत् दिएका थिए ।
उनले ट्विटमा लेखेका छन्,‘हिजो राति कन्धारमा आफ्नो साथी दानिश सिद्दीकी मारिएको दुखद खबरले म स्तब्धित भएको छु । पुलित्जर पुृरस्कार विजेता भारतीय पत्रकार अफगानी सुरक्षाबलको साथमा थिए । मैले दुई साता अगाडि उनी काबुल जाँदै गर्दा भेटेको थिएँ । उनको परिवार र रोयटर्सका लागि मेरो समवेदना ।'
दानिशले सन् २०१८ मा पुलित्जर पुरस्कार प्राप्त गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।