प्रमुख प्रतिपक्षी दल नेकपा एमालेले पार्टीको निर्णयविपरीत प्रधानमन्त्री शेर बहादुर देउवालाई विश्वासको मत दिएका २२ सांसदलाई स्पष्टीकरण सोधेको छ ।
अदालतले विश्वासको मत दिने सांसदलाई कारबाही गर्ने बाटो बन्द गरेको अवस्थामा एमालेले अदालतको आदेश आकर्षित नहुने भाषा प्रयोग गरी स्पष्टीकरण पत्र पठाएको छ ।
स्पष्टीकरणको कारणमा नयाँ प्रधानमन्त्रीलाई विश्वासको मत दिएको उल्लेख गर्दा अदालतको आदेश आकर्षित हुने अवस्था रहेकाले सांसदलाई पठाइएको पत्रमा उक्त कारण उल्लेख छैन ।
अध्यक्ष तथा संसदीय दलका नेता केपी शर्मा ओलीको हस्ताक्षर रहेको स्पष्टीकरण पत्रमा पार्टी हित र संसदीय दलको विधान विपरीतका काममा लागेकाले किन कारबाही नगर्ने भन्ने प्रश्न गरिएको छ ।
यसअघि, ललितपुरको च्यासलस्थित तुलसीलाल स्मृति भवनमा बसेको एमालेको केन्द्रीय समिति बैठकले २२ जना सांसदलाई स्पष्टीकरण सोध्ने निर्णय गरेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
