कीर्तिपुर पुगेर माधव नेपालले भने, ‘एमाले हामीले बनाएका हौँ तर अपमान सहेर बस्दैनौँ’
फरकधार / ७ साउन, २०७८
फाइल तस्बिर

प्रमुख प्रतिपक्षी दल नेकपा एमालेका वरिष्ठ नेता माधव कुमार नेपालले पार्टीको निर्माणका लागि आफूहरुले मुख्य योगदान गरेको भएपनि अहिले नेतृत्वमा पुगेकाहरुले अपमान गरिरहे सकेर नबस्ने बताएका छन् । 



नेकपाका संस्थापक महासचिव पुष्पलालको स्मृति दिवसमा काठमाडौंको कीर्तिपुरस्थित चम्पादेवीमा आयोजित एक कार्यक्रमलाई सम्बोधन गर्दै नेता नेपालले एमालेमा अहिलेकै अवस्थामा अपमान भइरहे बसिरहन नसकिने धारणा राखे । 

एमालेलाई आफूहरुले निर्माण गरेको भएपनि अहिले नेतृत्वमा रहेका अध्यक्ष केपी शर्मा ओलीले आफूहरुमाथि अपमान गरिरहेको नेता नेपालको भनाइ छ । उनले भने, ‘आफैँले बनाएको घरमा अरुको कुकर्म र अपमान सहेर बस्न सकिँदैन ।’

नेता नेपालले कम्युनिस्ट पार्टीको शक्तिमा जो पुगे पनि सच्चा कम्युनिस्टलाई कुनै फरक नपर्ने बताए । सच्चा कम्युनिस्टहरु कसैको पनि दास बनेर बस्न नसक्ने भन्दै नेता नेपालले आफूहरु अब अपमान सहेर एमालेमा बसिरहन नसक्ने बताए । 



पुष्पलालको ४३ औँ स्मृति दिवसको कार्यक्रममा बोल्दै नेता नेपालले पुष्पलालपथले कहिल्यै पनि दास मानसिकता नस्वीकार्ने बताए । आफूहरु पुष्पलालपथमा रहेको भन्दै नेता नेपालले पार्टीमा विधि, विधान र नीतिको पक्षमा कहिल्यै सम्झौता नगर्ने पनि बताए । 

पुष्पलालपथले निरंकुशताको विरोध गर्ने भन्दै नेता नेपालले आफूहरु कहिल्यै पनि निरंकुशताको पक्षमा र बाटोमा नहिँड्ने पनि बताए । संस्कार बसाल्ने र अरुको मान गर्नेले मात्रै कम्युनिस्ट पार्टीमा सफलता पाउने नेपालले बताए । 

अहिलेको स्याल हुइँया र बाँदरे जुलुसले आफूलाई केही फर नपार्ने पनि नेता नेपालले बताए । उनले आफूविरुद्ध अध्यक्ष ओली समर्थितहरुले निकालेको बाँदरे जुलुसले केही फरक नपार्ने स्पष्ट पारे । 

  • प्रकाशित मिति : साउन ७, २०७८ बिहीबार १३:४७:४४,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया