नेकपा एमालेका अध्यक्ष केपी शर्मा ओली र वरिष्ठ नेता माधवकुमार नेपालबीच भेटवार्ता हुने भएको छ । एमाले ओली पक्षका नेता सुवास नेम्वाङका अनुसार ओली र नेपालबीच आज र भोलिमा भेटवार्ता हुने भएको हो । 

‘उहाँहरुबीच भेटवार्ता हुने भनिएको छ । आज र भोलिमा भेटवार्ता हुन्छ होला,’ नेम्वाङले फरकधारसँग भने, ‘आज वा भोलि बिहानसम्ममा चाँडै भेट्ने भन्ने कुरा हो ।’

विवाद उत्कर्षमा पुगेको एमालेमा ओली–नेपाल भेटले फेरि नयाँ तरङ्ग सिर्जना गरेको छ । यसअघि एमाले असन्तुष्ट पक्षका २२ सांसदलाई शेरबहादुर देउवा नेतृत्वको सरकारलाई समर्थन गरेको भन्दै एमालेले स्पष्टीकरण सोधेको थियो । 

तर, आज बसेको बैठकले त्यो स्पष्टीकरणबारे केही निर्णय गरेको छैन । ओलीले आजै मात्र नेपाल समूहलाई आममाफी दिएको घोषणा गरेका थिए ।