चिनियाँ सरकारी समाचार एजेन्सी सिन्ह्वाका अनुसार चिनियाँ राष्ट्रपति सी जिनपिङले तिब्बतको भ्रमण गरेका छन् । उनी राष्ट्रपति भएपछि उनको यो पहिलो तिब्बत भ्रमण हो ।

जिनपिङ बुधबार दक्षिण पश्चिमी तिब्बतको न्यिंगशी सहरमा पुगेका हुन् । सिन्ह्वाका अनुसार उनले त्यहाँ एक नदीमा बनिरहेको पुलको अवलोकन पनि गरेका थिए ।

बिहीबार उनले यो सहरबाट ल्हासासम्म रेल यात्रा पनि गरेको समाचारमा जनाइएको छ । यो रेल गत महिनामात्र सुरु भएको थियो ।

चीनले ७० वर्ष पहिले तिब्बतलाई आफ्नो नियन्त्रणमा लिएको हो । तिब्बती धर्मगुरु दलाई लामा आफ्ना अनुयायीसँग अहिले पनिप भारतको एक धर्मशालामा बसिरहेका छन् ।