नेकपा माओवादी केन्द्रका स्थायी समिति सदस्य तथा अर्थमन्त्री जनार्दन शर्माले कम्युनिस्ट आन्दोलनको वैचारिक आदर्शमा स्खलन आएको बताएका छन्।
मार्क्सवादी ज्ञान केन्द्रले आयोजना गरेको आधारभूत भर्चुअल कक्षा शुभारम्भको अवसरमा बोल्दै मन्त्री शर्माले मार्क्सवादी वैचारिक ज्ञानको धरातल कमजोर हुँदा कम्युनिष्ट आन्दोलन नै विघटन हुने खतरा पैदा भएको बताए ।
मार्क्सवादी ज्ञान केन्द्रले बागमती र लुम्बिनी प्रदेशका लागि भर्चुअल कक्षा सुरु गरेको हो । सो कार्यक्रममा बोल्दै शर्माले शक्तिशाली नेकपा विभाजन हुनुमा केपी ओली दोषी रहेको बताए ।
ओलीले मार्क्सवादको अध्ययन गर्नुको सट्टा सुख सागर, रामायण महाभारतको अध्ययन बढी गरेको कारण कम्युनिस्ट आन्दोलन कमजोर बनेको उनको आरोप थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
